गुहागर तालुका मनसे तर्फे आयोजन
गुहागर, ता. 23 : तालुका मनसे संपर्क अध्यक्ष प्रमोद गांधी यांच्या संकल्पनेने महाराष्ट्र नवनिर्माण सेना, गुहागर तालुका अध्यक्ष विनोद जानवळकर आयोजित “माझं गाव माझा किल्ला” या तालुकास्तरीय स्पर्धेचे आयोजन करण्यात आले आहे. स्पर्धेचे हे दुसरे वर्ष आहे.या स्पर्धेमध्ये प्रथम, द्वितीय, तृतीय आणि चतुर्थ, उत्तेजनार्थ त्याचबरोबर आणखी खास पारितोषिके देण्यात येणार आहे. तसेच विजेत्यांना रोख रक्कम व सन्मानपत्र देऊन गौरविण्यात येणार आहे. Taluka level competition by MNS
या स्पर्धेसाठी काही नियम ठेवले आहेत. त्यामध्ये बनविण्यात येणाऱ्या किल्ल्याचे ३ फोटो आपल्या नावासह पाठवावेत. (फोटोवर नाव नसल्यास नोंदणी केली जाणार नाही), फक्त २ मिनिटाचा व्हिडिओ असावा, ज्यामध्ये आपल्या नावाचा स्पष्ट उल्लेख असावा. (नावाचा उल्लेख नसल्यास नोंदणी ग्राह्य धरली जाणार नाही), आपण जो किल्ला सजवला आहे, त्याची माहिती असणे आवश्यक आहे. परीक्षकांनी सांगितलेल्या वेळेनुसारच आपल्याला किल्ला पाहणीसाठी ज्या निवडक स्पर्धकांना फोन करण्यात येईल त्यांना उपस्थित राहावं लागेल. तसेच स्पर्धेचे सर्व अधिकार आयोजकांकडे असतील. Taluka level competition by MNS
या स्पर्धेच्या अधिक माहितीसाठी कौंढर शाखाध्यक्ष, सचिन जोयशी८१६९०३४४८४, महाराष्ट्र सैनिक, विवेक जानवळकर७७२२००९६४५, सांस्कृतिक विभाग अध्यक्ष, राहुल जाधव ८९७५३४८१२३, म.न.विसेना तालुका अध्यक्ष, सागर शिरगावकर ९५५८३०६००३ यांच्याकडे संपर्क साधावा, असे आवाहन तालुका अध्यक्ष विनोद जानवळकर यांनी केले आहे. Taluka level competition by MNS
