जयगड खाडीत गेला होता विसर्जनासाठी
गुहागर, ता. 10 : (Youth Missing) तालुक्यातील कोळवली गावातील 35 वर्षीय तरुण अद्याप बेपत्ता आहे. अनंत चतुदर्शीच्या दिवशी तो गणपती विसर्जनासाठी जयगड खाडी किनाऱ्यावर गेला होता. ग्रामस्थ सदर तरुणाचा शोध घेत असून समुद्रकिनाऱ्याकाठच्या गावांमध्येही शोध मोहिम सुरु आहे.
Youth Missing
महेश कृष्णा भुवड असे बेपत्ता तरुणाचे नावं आहे. अनंत चतुदर्शीच्या दिवशी (शुक्रवार, ता. 9) महेश ग्रामस्थांसह कोळवलीत जयगड खाडी किनारी गणपती विसर्जनासाठी गेला होता. ग्रामस्थांनी दिलेल्या माहिती नुसार गणेश विसर्जन करुन परत येत असताना महेश पाय घसरुन खाडीत पडला. महेशला पोहता येत नव्हते.
महेश बेपत्ता झाल्याचे लक्षात येताच तातडीने ग्रामस्थांनी खाडी किनारी शोध घेतला. मात्र रात्री पर्यंत महेश न सापडला नाही. अखेर या घटनेची खबर गुहागर पोलीस ठाण्यात देण्यात आली. महेश भुवड बेपत्ता असल्याची नोंद गुहागर पोलीसांनी केली आहे. पोलीसांनी जयगड खाडी किनाऱ्याबरोबर समुद्रकिनाऱ्याकाठच्या गावामध्ये महेश भुवड बेपत्ता असल्याची माहिती पोचवली आहे.Youth Missing
