३ सप्टेंबर रोजी सकाळी १० वा. ; शृंगारतळी भवानी सभागृह
गुहागर, ता. 01 : गुहागरचे आमदार भास्कर जाधव यांची शिवसेना नेते पदी निवड झाल्याबद्दल त्यांचा गुहागर तालुका शिवसेनेच्या वतीने भव्य सत्कार करण्याचे नियोजन करण्यात आले आहे. याबाबत माहिती सेनेचे गुहागर तालुक प्रमुख सचिन बाईत यांनी दिली आहे. हा भव्य सत्कार ३ सप्टेंबर रोजी सकाळी १० वाजता शृंगारतळी येथे पालपेणे रोडवरील भवानी सभागृहात संपन्न होणार आहे. MLA Jadhav was felicitated
यावेळी सेनेचे जिल्हाप्रमुख सचिन कदम व उपजिल्हा प्रमुख रविंद्र सुर्वे उपस्थित राहाणार आहेत. तसेच गुहागर तालुक्यातील शिवसेनेचे सर्व पदाधिकारी, महिला आघाडीच्या सर्व पदाधिकारी, सर्व माजी जि. प. व पं.स. पदाधिकारी सेनेचे गुहागर तालुक्यातील सर्व जेष्ठ कार्यकर्ते यांनी उपस्थित राहाण्याची विनंती गुहागर तालुका प्रमुख यांनी केली आहे. शृंगारतळी येथे बऱ्याच कालावधी नंतर सेनेचा हा जाहिर कार्यक्रम होत असल्याने याला अलोट गर्दी लोटणार असे संकेत मिळाले आहेत. शिवसेनेत बऱ्याच आमदारांनी पक्ष सोडून बंड केले. व त्यामुळे सेनेला सत्ता गमवावी लागली. महाडचे भरत गोगावले, दापोलीचे आम. योगेश कदम व रत्नागिरीचे आम. उदय सामंत यांनी पक्ष सोडल्यामुळे जिल्ह्याची संघटनात्मक मोठी जबाबदारी आता भास्कर जाधव यांच्यावर आली आहे. MLA Jadhav was felicitated
शिवसेनेतले नुकतेच झालेले बंड त्यानंतर सत्तांतर व नुकतेच झालेले पावसाळी अधिवेशन या विषयी आम भास्कर जाधव काय भूमिका मांडतात याविषयी सर्वांनाच उतसुकता असून त्या दृष्टीने शृंगारतळीत ३ सप्टेंबरला होत असलेल्या या मेळव्याकडे सर्वांचेच लक्ष लागून राहिले आहे. MLA Jadhav was felicitated
