राज भोसलेची राज्य स्पर्धेसाठी निवड

गो.कृ.विद्यामंदिरचा विद्यार्थी;  किशोर गटातून खेळणार

गुहागर, ता. 16 : श्री देव गोपाळकृष्ण माध्यमिक विद्यामंदिर गुहागरमधील राज दिनेश भोसले या विद्यार्थ्यांची निवड कबड्डीच्या जिल्हा संघात झाली आहे. 20 ते 22 डिसेंबर या कालावधीत पाथरी, जि. परभणी येथे होणाऱ्या राज्य अजिंक्यपद स्पर्धेत किशोर गटात राज  जिल्ह्याच्या संघातून खेळणार आहे. (Raj Bhosale selected for state competition)

Maharashtra state Kabaddi championship to be held at Pathri, Dist. Parbhani, From 20th to 22nd December. For this tournament Raj Dinesh Bhosale from Shri Dev Gopalkrishna Madhyamik Vidyamandir Guhagar has been selected in the district team of Kabaddi. Raj will play in the youth group from the district team. (Raj selected for state competition)

क्रीडा क्षेत्रात गुहागरमधील  गो. कृ. विद्यामंदिरचे विद्यार्थी सातत्याने राज्य, राष्ट्रीय आणि आंतरराष्ट्रीय स्तरावर खेळत असतात. गेल्या दोन वर्षात कोरोना महामारीमुळे स्पर्धा आणि सराव सर्वच बंद होते. मध्यंतरी कोरोनाची पहिली लाट ओसरल्यावर काही काळ स्पर्धांना सुरवात झाली होती. यावर्षी चिपळूण तालुक्यातील कुंभार्ली येथे जिल्हा अजिंक्यपद पार पडली. या स्पर्धेत गुहागर संघाकडून राज भोसले खेळत होता. त्याच्या उत्कृष्ट खेळामुळे जिल्हा क्रिडा विभागाने त्याची निवड जिल्हा संघात केली आहे. (Raj selected for state competition)

राज भोसले जिल्हा संघाचे प्रशिक्षण आणि राज्य अजिंक्यपद स्पर्धेसाठी रत्नागिरीला रवाना झाला आहे. तत्पुर्वी त्याला शुभेच्छा देण्याचा कार्यक्रम गो. कृ. विद्यामंदिरमध्ये झाला. या कार्यक्रमाला विद्यामंदिरचे मुख्य कार्यकारी अधिकारी दिपक कनगुटकर उपस्थित होते. उत्कृष्ट कामगिरीच्या बळावर राजची राज्याच्या संघात निवड व्हावी. अशा शुभेच्छा त्यांनी दिल्या. यावेळी मुख्याध्यापक शिवाजी आडेकर, राजचे वडिल दिनेश भोसले, उपमुख्याध्यापक सुधाकर कांबळे, पर्यवेक्षक कोरकेसर यांच्या सह शाळेतील शिक्षक, शिक्षकेतर कर्मचारी उपस्थित होते.

Raj selected for state competition

In sports, S.D.G.K. Vidyamandir’s students are consistently playing at the state, national and international levels. The Corona epidemic has closed competition and practice for the past two years. The competitions had been going on for some time after the first wave of intermediate corona subsided. This year the district level kabaddi tournaments were held at Kumbharli, Tal. Chiplun. Raj Bhosale was playing for Guhagar team in this tournament. Due to his excellent performance, the district sports department has selected him in the district team.