महाराष्ट्र जनता विकास प्रतिष्ठान
गुहागर : गुहागर नगरपंचायतीच्या नवनिर्वाचित उपनगराध्यक्षा सौ. प्रणिता प्रवीण साटले यांचा सामाजिक, शैक्षणिक कार्यात कार्यरत असलेल्या महाराष्ट्र जनता विकास प्रतिष्ठान या सेवाभावी संस्थेच्या वतीने सत्कार करण्यात आला.
यावेळी महाराष्ट्र जनता विकास प्रतिष्ठानचे अध्यक्ष डॉ. मनोज पाटील, धोपावे गावचे सरपंच सदानंद पवार, सामाजिक कार्यकर्ते प्रभुनाथ देवळेकर यशवंत साटले, तुकाराम साटले, विजय साटले, संदेश भागडे, गोपीनाथ फटकरे, अंगणवाडी सेविका रोशनी जोशी, मदतनीस रश्मी धनावडे, वैजयंती साटले, अंगणवाडी विद्यार्थ्यांचे पालक, ग्रामस्थ बहुसंख्येने उपस्थित होते.
सौ. प्रणिता साटले म्हणाल्या की, प्रतिष्ठानचे सेवाभावी कार्य हे कौतुकास्पद आहे. समाजात अशाप्रकारच्या संस्था निर्माण झाल्यास समाजाच्या उन्नतीसाठी हातभार लागतो. तालुक्यातील संस्थांनी महाराष्ट्र जनता विकास प्रतिष्ठानचा आदर्श घेतला पाहिजे, असे त्यांनी सांगितले.