रक्तदात्यांचा उस्फुर्त प्रतिसाद
गुहागर : गुहागर तालुका राष्ट्रवादी काँग्रेसच्या वतीने घेण्यात आलेल्या रक्तदान शिबिरास रक्तदात्यांचा उस्फुर्त प्रतिसाद लाभला. गुहागर तालुक्यात कोरोनाचे संकट दिवसेंदिवस वाढत आहे. अशावेळी केवळ राष्ट्रहित जोपासत अनेक रक्तदात्यांनी रक्तदान करून आपले कर्तव्य बजावले. या सर्वांचे तालुकाध्यक्ष राजेंद्र आरेकर आणि सर्व पदाधिकाऱ्यांनी आभार मानले.
राष्ट्रवादीचे जिल्हाध्यक्ष श्री बाबाजीराव जाधव आणि उपजिल्हाध्यक्ष श्री पद्माकर आरेकर यांच्या मार्गदर्शनाखाली हे रक्तदान शिबीर यशस्वीपणे पार पडले. या शिबिरात २५ रक्तदात्यानी रक्तदान केले. तसेच अनेकांनी रक्तगट हिमोग्लोबीन आणि रक्तदाब तपासणी करून घेतली. रक्तदान शिबीर यशस्वी करण्यासाठी तालुकाध्यक्ष राजेंद्र आरेकर, उपाध्यक्ष पद्माकर आरेकर, शहराध्यक्ष मंदार कचरेकर, श्रीधर बागकर, नगरसेविका सुजाता बागकर, स्वाती कचरेकर, तुषार सुर्वे, गौरव वेल्हाळ, संतोष मोरे, अजित बेलवलकर, विनायक आरेकर, रोहित मालप, सौरभ भागडे यांनी मेहनत घेतली. हे रक्तदान शिबीर रेडक्राॅस रत्नागिरी या संस्थेचे डाॅक्टर श्री. अनिल जोशी व त्याच्या सहकार्याच्या सहाय्याने घेण्यात आले.
