गुहागर : तालुक्यातील पालशेत येथे विश्व हिंदू परिषद बजरंग दल गुहागर यांनी रक्तदान शिबिर आयोजित केले होते. या शिबिरात ४४ रक्तदात्यांनी योगदान दिले. कोरोनाच्या संकटामध्ये रक्तामधील विविध घटकांची रुग्णाला आवश्यकता भासते. अशावेळी रक्तपेढ्यांमधील रक्त संपू नये यासाठी विविध संस्थांच्या पुढाकारातून रक्तदान शिबिरे भरवली जात आहेत. यापूर्वी गुहागर शहरातील दुर्गादेवी मंदिरातही रक्तदान शिबिराचे आयोजन करण्यात आले होते. विश्र्व हिंदु परिषदेच्या बजरंग दल या शाखेतर्फे पालशेतमधील बाळोजी बुवा मठ येथे 4 ऑक्टोबरला रक्तदान शिबिर पार पडले. महाड येथील जनकल्याण रक्तपेढीच्या वतीने या रक्ताचे संकलन करण्यात आले.
रक्तदान शिबिरातील काही क्षणचित्रे
