गुहागर : लोक शिक्षण मंडळ आबलोलीचे कार्याध्यक्ष चंद्रकांत बाईत यांच्या पंचाहत्तराव्या वाढदिवसाचे औचित्य साधून बाईत कुटुंबीय, लोक शिक्षण मंडळ आणि सर्व ज्ञानशाखांचा वतीने चंद्रकांत बाईत यांची ग्रंथतुला करण्यात येणार आहे.या ग्रंथ तुले साठी खरेदी करण्यात आलेली नवीन पुस्तके आबलोली केंद्रावर दहावीच्या परीक्षेसाठी येणाऱ्या परिसरातील शाळांना देण्यात येणार आहेत.
कार्याध्यक्ष चंद्रकांत बाईत यांचे शैक्षणिक कार्य उत्तुंग असून त्यांनी आबलोली परिसरातील विद्यार्थ्यांच्या शिक्षणासाठी फार मोठे कार्य केले आहे.त्यांच्या कार्याचा गौरव म्हणून या ग्रंथ तुलेचे आयोजन करण्यात आले आहे. या ग्रंथ तुले तील पुस्तकांचा लाभ इयत्ता पाचवी ते बारावीच्या विद्यार्थ्यांना होणार असून सदर पुस्तके शाळांच्या संग्रही कायम राहणार आहेत. हा एक अभिनव उपक्रम असून पुढील वर्षभर अनेक विविध शैक्षणिक, सामाजिक, सांस्कृतिक,क्रीडा आदी क्षेत्रातील उपक्रम राबवण्यात येणार असल्याची माहिती संस्थेचे मुख्य कार्यकारी अधिकारी सचिन बाईत यांनी दिली.
चंद्रकांत बाईत यांची होणार ग्रंथ तुला
