तळवली हायस्कुलमध्ये वेदश्री कारेकर प्रथम

गुहागर : तालुक्यातील न्यु इंग्लिश स्कुल व कनिष्ठ महाविद्यालय तळवलीचा इयत्ता 10 वी चा निकाल 100 टक्के लागला आहे. शाळेत वेदश्री नोमेश कारेकर हीने 90.60 टक्के गुण मिळवून प्रथम क्रमांक पटकावला आहे.
The result of 10th standard of New English School and Junior College Talwali in the taluka is 100 percent. Vedashree Nomesh Karekar has bagged the first position in the school with 90.60 percent marks.
गुहागर तालुक्यातील न्यु इंग्लिश स्कुल व कनिष्ठ महाविद्यालय तळवलीमध्ये इयत्ता 10 वी परीक्षेसाठी 110 विद्यार्थी प्रविष्ठ झाले होते यामध्ये सर्व विद्यार्थी उत्तीर्ण झाले. यामध्ये वेदश्री नोमेश कारेकर 90.60 टक्के प्रथम, तन्वी संतोष आग्रे व स्वालिया सलामत घारे यांनी 89.80 गुण मिळवून अनुक्रमे द्वितीय क्रमांक पटकावला. तर रिद्धी विनायक आग्रे हिने 88.40 टक्के गुण मिळवून तृतीय क्रमांक पटकावला आहे.शाळेत विशेष श्रेणी 14, प्रथम श्रेणी 49, द्वितीय श्रेणी 45 तर उत्तीर्ण श्रेणी 2 विद्यार्थ्यांनी पटकावली आहे.
या निकालाने शाळेची उज्ज्वल यशाची परंपरा कायम राखली असून शाळेचे मुख्याध्यापक जी.एस.जबडे व शिक्षक आणि कर्मचारी वृंद, शाळा व्यवस्थापन समिती, पालक वर्ग यांनी सर्व उत्तीर्ण विद्यार्थ्यांचे विशेष कौतुक केले आहे.