गुहागरमध्ये आठ दिवस पर्यटक आणि पर्यटनाचा महोत्सव
गुहागर, ता. 31 : पाच दिवसांचा आठवडा, नाताळच्या सुट्टीला जोडून आलेल्या शनिवार, रविवारच्या सुट्ट्या, दोन वर्षांनंतर खुली झालेली मंदिर, लसीचे दोन डोस झाल्याने मिळालेला आत्मविश्र्वास अशा विविध कारणांनी गेले आठवडाभर गुहागरमध्ये पर्यटनाचा महोत्सव सुरु आहे. Tourist Crowd in Guhagar
मुंबई, पुणे, सांगली, सातारा, कोल्हापूर, सोलापूर, नागपूर, अहमदनगर, औरंगाबाद, आदी महाराष्ट्रातील शहरांबरोबरच मध्यप्रदेश, गुजराथ, कर्नाटक आदी राज्यातून पर्यटक गुहागरमध्ये येत आहेत. शहरातील अनेक पर्यटन संकुले गेले आठ दिवस हाऊसफुल आहेत. गुहागरच्या समुद्रावरही गर्दी पहायला मिळत आहे. बाजारपेठेतील अरुंद रस्त्यामुळे पर्यटकांसह स्थानिकांनाही वहातूक कोंडी सहन करावी लागत आहे. Tourist Crowd in Guhagar
कोरोना महामारीतील दोन वर्ष ठप्प असलेला पर्यटन व्यवसाय पुन्हा सुरू झाला आहे. वहातूक कोंडी, दुरुस्तीमुळे गुहागर चिपळूण रस्त्याची झालेली दुरावस्था याकडे दुर्लक्ष करुन पर्यटक गुहागरात दाखल होत आहेत. पर्यटन व्यावसायिकांसह अन्य नागरिकही या पर्यटकांचे स्वागत करत आहे. Tourist Crowd in Guhagar
2021 या सरत्या वर्षाला निरोप देण्यासाठी गुहागरच्या समुद्रावर रात्री देखील गर्दी पहायला मिळत आहे. खऱ्या अर्थाने कोरोनानंतर पर्यटन व्यवसायाने उभारी घेतल्याचे समाधानकारक चित्र आज गुहागरमध्ये पहायला मिळाले. Tourist Crowd in Guhagar