सात कुटुंबातील सतरा जण ढिगाऱ्याखाली अडकल्याची भीती
खेड : बुधवारपासून जिल्ह्यात कोसळत असलेल्या मुसळधार पावसामुळे अनेक ठिकाणी दरडी कोसळण्याचे प्रकार घडत असताना खेड तालुक्यातील मौजे पोसरे धामणन बौद्धवाडी येथे दरड कोसळल्याने सात कुटुंबातील सतरा जण ढिगाऱ्याखाली अडकल्याची भीती व्यक्त केली जात आहे.
जिल्हा प्रशासनाच्या आपत्ती विभागाच्या माहितीनुसार धामणंन बौद्धवाडी येथे मुसळधार कोसळणाऱ्या पावसामुळे व अतिवृष्टीमुळे दरड कोसळल्याची घटना घडली आहे. यामुळे सात कुटुंबातील सतरा जण ढिगाऱ्याखाली सापडल्याची शक्यता आहे. तसेच चोवीस जनावरे ढिगाऱ्याखाली अडकली आहेत. या घटनेत दहा जण जखमी झाले असून त्यांना उपचारासाठी रूग्णालयात दाखल करण्यात आले आहे.
