काजुर्ली येथे मोफत नेत्र तपासणी शिबिरास उत्स्फूर्त प्रतिसाद

गुहागर : दिवालीबेन मोहनलाल मेहता लायन्स आय हॉस्पिटल रत्नागिरी व निर्मल ग्रामपंचायत काजुर्ली (ता.गुहागर) यांच्यावतीने डॉ. नानासाहेब मयेकर माध्यमिक विद्यालय काजुर्ली येथे आयोजित मोफत नेत्र तपासणी शिबिरास काजुर्ली परिसरातील नागरिकांनी उत्स्फूर्त प्रतिसाद दिला. नेत्र तपासणी साठी डॉ.किशोर सूर्यवंशी,तात्यासाहेब सावंत हे उपस्थित होते.
On behalf of Diwaliben Mohanlal Mehta Lions Eye Hospital Ratnagiri and Nirmal Gram Panchayat Kajurli, Citizens of Kajurli area responded spontaneously to the free eye check-up camp at Nanasaheb Mayekar Secondary School. Dr. Kishore Suryavanshi and Tatyasaheb Sawant were present for eye examination.

शिबिराच्या आयोजनासाठी विजय कदम, सुधाकर गोणबरे, कैलास साळवी यांनी प्रयत्न केले. शिबिराच्या उद्घाटन प्रसंगी सरपंच रुक्मिणी सुवरे,उपसरपंच सुधाकर गोणबरे,ग्रामपंचायत सदस्य नंदकुमार धांगडे,अजित मोहिते,सखी सावंत, स्नेहल गुरव, तंटामुक्त समिती अध्यक्ष भालचंद्र जोशी,कैलास साळवी,विजय कदम आदी मान्यवर उपस्थित होते.ग्रामपंचायत काजुर्ली व डॉ.नानासाहेब मयेकर माध्यमिक विद्यालय काजुर्ली यांच्या वतीने उपस्थित मान्यवरांचे मुख्याध्यापक अमोल पवार यांनी स्वागत केले. शिबिरामध्ये रुग्णांची नेत्रतपासणी करून गरजू रुग्णांना पुढील उपचारासाठी मार्गदर्शन करण्यात आले.या शिबिराचा काजुर्ली परिसरातील सुमारे १५० नागरिकांनी लाभ घेतला.शिबीर यशस्वीतेसाठी प्रयत्न करणाऱ्या सर्व घटकांचे उपसरपंच सुधाकर गोणबरे यांनी आभार मानले.