रत्नागिरी तेली आळीत सुरु होणार समाज संपर्क कार्यालय

गुहागर : रत्नागिरी जिल्हा तेली समाज सेवा संघ उपशाखा रत्नागिरी तालुका व जिल्हा कार्यकारिणीच्या सर्व पदाधिकारी यांच्या बैठकीत विविध महत्त्वाच्या विषयांवर चर्चा होऊन निर्णय घेण्यात आले. रत्नागिरी जिल्हा तेली समाज सेवा संघाचे संपर्क कार्यालय तेली आळी येथील डॉ.पंकज बंदरकर यांच्या घराचे बेसमेंट भाड्याने घेऊन सुरू करण्याचा ठराव उपस्थितांच्या सहमतीने घेण्यात आला. त्याचप्रमाणे रत्नागिरी येथे शहराच्या जवळपास रत्नागिरी  येथे तेली समाज भवन करण्यासाठी जागेची पाहणी करण्यात यावी व जागा मिळाल्यास योग्य ती पुढील कार्यवाही करण्याचा निर्णय घेण्यात आला.
In the meeting of Ratnagiri District Teli Samaj Seva Sangh sub-branch Ratnagiri taluka and all the office bearers of the district executive, various important issues were discussed and a decision was taken. It was decided to start the liaison office of Ratnagiri District Teli Social Service Association by renting the basement of Dr. Pankaj Bandarkar’s house at Teli Ali with the consent of the participants.

रत्नागिरी जिल्हा तेली समाज सेवा संघ उपशाखा रत्नागिरीच्या वतीने पुढील वर्षासाठी दिनदर्शिका प्रकाशन करण्याचा निर्णय घेण्यात आला. त्यासाठी जाहिराती जमा करण्याचे आवाहन करण्यात आले. त्यासाठी राकेश आंब्रे, योगेश पावसकर,सचिन कोतवडेकर, अविनाश चव्हाण, मनोहर कोतवडेकर यांना अधिकार देण्यात आले. दर दोन वर्षांनी घेण्यात येणाऱ्या वधू वर मेळाव्यासंदर्भात चर्चेअंती प्रथम उमेदवारांची माहिती गोळा करावी व त्यानंतर मेळावा घेण्याचा निर्णय घ्यावा असे ठरविण्यात आले.त्यासाठी जास्तीत जास्त इच्छुक वधुवरांचे नोंदणी साठी फॉर्म भरून घेण्याचा निर्णय झाला. त्यासाठी किमान १००/- रुपये फॉर्म फी घेऊन नोंदणी करण्याचे ठरले आहे.
या बैठकीला रत्नागिरी जिल्हा तेली समाज सेवा संघाचे जिल्हाध्यक्ष रघुविर शेलार, कार्याध्यक्ष दिपक राऊत, सचिव संदीप पवार, खजिनदार सुरेश निंबाळकर, महाराष्ट्र प्रांतिक तैलिक कोकण विभाग सेवा आघाडी अध्यक्ष विनायक राऊत, सेवा आघाडीचे रत्नागिरी अध्यक्ष सुभाष लांजेकर, काशीनाथ सकपाळ, सांगली सचिव निलेश सकपाळ, ठाणे जिल्हा माजी अध्यक्ष कमलाकर शेलार, रत्नागिरी तालुकाध्यक्ष संदीप नाचणकर, उपाध्यक्ष सचिन कोतवडेकर, सचिव अविनाश चव्हाण, राजापूर तालुका अध्यक्ष नरेश शेलार,संगमेश्वर तालुका सचिव हरिश्चंद्र पवार, वधू-वर सुचक समितीचे उपाध्यक्ष मनोहर कोतवडेकर, सल्लागार वसंत सकपाळ, योगेश पावसकर, महेश ठावरे, संतोष चव्हाण, पंढरीनाथ पवार, राकेश आंब्रे, सुदाम आंब्रे,मंदार कदम,राजेंद्र विभूते सांगली, अशोक नाचणकर, राहुल झगडे आदी तेली ज्ञाती बांधव उपस्थित होते. तालुका अध्यक्ष संदीप नाचणकर यांनी उपस्थितांचे आभार मानले.