६६ ग्रामपंचायतीची सरपंच पदे आरक्षित करणार
गुहागर : तालुक्यातील ६६ ग्रामपंचायतीच्या सरपंच पदाचे आरक्षण सोडत दि. १५ रोजी सकाळी ११ वा. येथील भंडारी भवन सभागृहात काढण्यात येणार आहे. इच्छुक ग्रामस्थांनी आरक्षण सोडतीच्या कार्यक्रमाला उपस्थित रहावे, असे आवाहन गुहागर तहसीलदार यांच्याकडून करण्यात आले आहे.
सन २०२० ते २०२५ या कालावधीमध्ये मुदत संपणाऱ्या तालुक्यातील सार्वत्रिक निवडणुका लक्षात घेऊन जिल्हाधिकारी यांच्या आदेशानुसार ६६ ग्रामपंचायतीची सरपंच पदे आरक्षित करण्याचा कार्यक्रम घेण्यात आला आहे. यावेळी उपस्थित राहणाऱ्या ग्रामस्थांनी मास्क वापरणे बंधनकारक आहे.
