गुहागर, ता. 22 : कलर्स मराठी वाहिनीवरील ‘बाळूमामाच्या नावानं चांगभलं’ या लोकप्रिय मालिकेत गुहागर तालुक्यातील अडूर येथील कु. रोहित सुधाकर तुपट याला संधी मिळाली आहे. रोहित या मालिकेत पाटील यांचा शिपाई म्हणून काम करीत आहे. जाखडी लोककलेचे कोकणातील प्रसिद्ध कॅसेटकिंग शक्तीवाले शाहीर कै. सुधाकर अरविंद तुपट यांचा हा मुलगा आहे. रोहित तुपटला जाखडी लोककला, वादन, नृत्यकला, कबड्डीची खेळाची आवड आहे. शाहीर सुधाकर तुपट यांचा वारसा पुढे चालविण्यासाठी तो प्रयत्नशील आहे. ‘बाळूमामाच्या नावानं चांगभलं’ या मालिकेत व्यासपीठ मिळवून देणारे आदेश घडवले आणि सिद्दी जमादार हे त्याचे मार्गदर्शक आहेत. या मालिकेद्वारे रोहित छोट्या पडद्यावर पदार्पण करत आहे. त्यामुळे गुहागर तालुक्यातून त्याचे अभिनंदन होत आहे.
अडूरचा रोहित झळकणार छोट्या पडद्यावर
