गुहागर : राष्ट्रवादी काँग्रेसच्या गुहागर मधील नवनिर्वाचित सर्व पदाधिकारी यांनी गुहागरचे माजी सभापती स्व. सदाशेठ आरेकर यांच्या निवासस्थानी जाऊन आशीर्वाद घेतले.
गुहागर तालुका राष्ट्रवादी काँग्रेसच्या तालुकाध्यक्ष पदी जेष्ट कार्यकर्ते राजेंद्र आरेकर यांची निवड खा. सुनील तटकरे यांनी जाहीर केली होती. यावेळी गुहागर विधानसभा मतदार संघाच्या उपाध्यक्ष पदी दीपक जाधव तर जिल्हा सरचिटणीस पदी विजय मोहिते यांचीसुद्धा निवड करण्यात आली होती. या निवडी नंतर नवनिर्वाचित पदाधिकाऱ्यांनी गुहागर खालचापाट येथील गुहागरचे माजी सभापती स्व.सदाशेठ आरेकर यांच्या निवासस्थानी जाऊन प्रतिमेचे आशीर्वाद घेतली.त्यानंतर जेष्ठ नेते पद्माकर आरेकर यांचे देखील मार्गदर्शन आणि आशीर्वाद घेतले. यावेळी आरेकर यांच्या निवासस्थानी सर्व नवनिर्वाचित पदाधिकारी यांचे स्वागत करण्यात आले. तसेच गुहागर तालुक्यात भविष्यात कशा प्रकारे पक्ष संघटना बांधणी केली पाहिजे यावर चर्चा करण्यात आली.
यावेळी राष्ट्रवादी काँग्रेस गुहागर शहराध्यक्ष श्री. मंदार कचरेकर, तुषार सुर्वे, दीपक शिरधनकर, श्रीधर बागकर आदी उपस्थित होते.
राष्ट्रवादीच्या पदाधिकाऱ्यांनी स्व. सदाशेठ आरेकरांच्या प्रतिमेचे घेतले आशीर्वाद
