१ ऑक्टो. रोजी लोकार्पण सोहळा
गुहागर : गुहागर शहर शिवसेनेच्या वतीने गुहागर विधानसभा मतदार संघाचे आमदार भास्करशेठ जाधव यांच्याकडे केलेल्या मागणीनुसार गुहागर तालुक्यासाठी आमदार स्थानिक विकास निधी मधून रुग्णवाहिका उपलब्ध करण्यात आली असून १ ऑक्टोबर रोजी सकाळी ११ वाजता गुहागर पंचायत समिती येथे लोकार्पण सोहळा आ. जाधव यांच्या उपस्थितीत होणार आहे.
कोरोनाच्या पार्श्वभूमीवर तालुक्यात रुग्णवाहिका नसल्याने कोविड रुग्णांची मोठी गैरसोय होत होती. याबाबत गुहागर शहर शिवसेनेच्या वतीने गुहागर विधानसभा मतदारसंघाचे आमदार भास्करशेठ जाधव यांच्याकडे रुग्णवाहिकेची मागणी केली होती. सदर रुग्णवाहिकेचा लोकार्पण सोहळा आ. भास्करशेठ जाधव यांच्या शुभहस्ते व जिल्हाप्रमुख सचिन कदम, जि.प.उपाध्यक्ष महेश नाटेकर, तालुकाप्रमुख सचिन बाईत, सभापती सौ. विभावरी मुळे, उपसभापती सुनील पवार, सर्व जि.प. सदस्य, पं. स. सदस्य, नगरसेवक यांच्या प्रमुख उपस्थितीत होणार आहे. तरी सर्व शिवसेना, युवासेना, महिला आघाडी आणि सर्व अंगिकृत संघटना आजी – माजी पदाधिकारी आणि कार्यकर्त्यांनी उपस्थित रहावे, असे आवाहन शिवसेना गुहागर शहरप्रमुख निलेश मोरे यांनी केले आहे.
