फाइज इलेव्हन आबलोली उपविजेता
गुहागर : शहरातील खालचापाट येथील फ्रेंड सर्कल कला क्रिडा सांस्कृतिक मंडळ आयोजित टेनिस बाॅल क्रिकेट स्पर्धेत गुहागरच्या महापुरुष संघाने फाइज इलेव्हन आबलोली संघाचा पराभव करत अंतिम विजेतेपद पटकावले. या स्पर्धेत तालुक्यातील ३२ संघांनी सहभाग घेतला होता. सलग पाच दिवस चालणाऱ्या स्पर्धेचे उत्तम नियोजन या मंडळाने केले होते.
अंतिम सामन्यातील सामनावीर आणि मालिकावीर म्हणून प्रतिक मोहिते याला गौरविण्यात आले. तर सर्वोत्तम फलंदाज म्हणून यश लोखंडे , सर्वोत्तम गोलंदाज म्हणून अमित पवार, सर्वोत्तम क्षेत्ररक्षक रोहन पवार यांना चषक देऊन गौरविण्यात आले. महापुरुष गुहागर संघाने उपांत्य फेरीत विधाता असगोली संघाचा पराभव करत तर फाइज इलेव्हन आबलोली संघाने उपांत्य फेरीत दत्त कृपा बोऱ्या संघाचा पराभव करत अंतिम फेरीत प्रवेश केला होता.
स्पर्धेच्या बक्षिस वितरण समारंभाला फ्रेंड सर्कल कला क्रिडा सांस्कृतिक मंडळाचे अध्यक्ष श्री. सागर मोरे, उपाध्यक्ष श्री. अनिकेत भोसले, सचिव रोहन विखारे, खजिनदार अनराज वराडकर, माजी नगराध्यक्ष श्री जयदेव मोरे, आरोग्य सभापती श्री अमोल गोयथळे, नगरसेविका अपर्णा गोयथळे , श्री. सुहास सुर्वे, श्री. शशिकांत शिंदे, श्री. सूनिल गोयथळे, श्री. वसंत पावसकर, श्री. प्रशांत मोरे, श्री. वसंत आरेकर, श्री. संदीप मोरे, आदी उपस्थित होते.
संपूर्ण स्पर्धेत पंच म्हणून नंदकुमार वराडकर, मंदार गोयथळे, सिद्धार्थ वराडकर, योगेश गोयथळे, मितेश वराडकर, अमित खांडेकर, केतन गोयथळे यांनी काम पाहिले. अंतिम सत्राच सुत्रसंचालन सुयोग आरेकर आणि सिद्धेश आरेकर यांनी केले.
उत्कृष्ट फलंदाज यश लोखंडे याला गौरविताना सुनील गोयथळे व प्रशांत मोरे
