गुहागर : राष्ट्रवादी काँग्रेस पार्टीचे राष्ट्रीय अध्यक्ष, माजी केंद्रीय कृषिमंत्री खासदार शरद पवार यांच्या वाढदिवसानिमित्त गुहागर तालुका राष्ट्रवादी काँग्रेस पार्टीच्या वतीने शनिवारी सकाळी गुहागर समुद्र किनारी स्वच्छता मोहीम राबवण्यात आली. यावेळी पदाधिकारी व कार्यकर्त्यांनी गुहागर बाजारपेठ समोरील समुद्रकिनारा स्वच्छ – सुंदर केला.
खा. शरद पवार यांच्या वाढदिवसानिमित्त गुहागर तालुका राष्ट्रवादी काँग्रेस पार्टीच्या वतीने विविध कार्यक्रमांचे आयोजन करण्यात आले आहे. याचाच एक भाग म्हणून डिसेंबर अखेरीस गुहागर समुद्र किनार्यावर पर्यटकांची होणारी गर्दी लक्षात घेऊन पवार यांच्या वाढदिवसाचे औचित्य साधून या स्वच्छता मोहिमेचे आयोजन करण्यात आले होते. सकाळी ७.३० वाजता स्वच्छता मोहिमेला सुरुवात झाली. किनार्यावर प्लास्टिकच्या पिशव्या, थर्माकोलच्या डिश, पाण्याच्या बॉटल असा कचरा गोळा केला.
यावेळी तालुकाध्यक्ष राजेंद्र आरेकर, नगराध्यक्ष राजेश बेंडल, विद्यार्थी संघटनेचे जिल्हाध्यक्ष साहिल आरेकर, गुहागर शहराध्यक्ष मंदार कचरेकर, उपशहरध्यक्ष रोहित मालप, शशांक भाटकर, सौरभ भागडे, मृदुला भागडे, श्रुतिका भागडे, निखिल रेवाळे, राकेश राऊत, आयुष कदम, मिहीर बारटक्के, दिवेश बेंडल आदिंसह विद्यार्थी संघटनेचे कार्यकर्ते या मोहिमेत सहभागी झाले होते.
गुहागर राष्ट्रवादीने केला स्वच्छ -सुंदर समुद्रकिनारा !
