शरद पवार यांच्या वाढदिवसानिमित्त विविध कार्यक्रमांचे आयोजन
गुहागर : राष्ट्रवादी काँग्रेस पार्टीचे राष्ट्रीय अध्यक्ष, माजी केंद्रीय कृषीमंत्री शरद पवार यांच्या वाढदिवसानिमित्त गुहागर तालुका राष्ट्रवादी काँग्रेस पार्टीच्या वतीने विविध कार्यक्रमांचे आयोजन करण्यात आले आहे.
यानिमित्त उद्या १२ रोजी सकाळी ७.३० वाजता गुहागर समुद्र चौपाटीवर स्वच्छता मोहिमेचे आयोजन करण्यात आले आहे. त्यानंतर तालुक्यातील शाळांना कोरोना तपासणी साहित्य व शैक्षणिक साहित्याचे वाटप करण्यात येणार आहे. तसेच ऑनलाइन नाव नोंदणीद्वारे बेरोजगारांना कायमस्वरूपी नोकरीच्या संधी उपलब्ध करून दिल्या जाणार आहेत. सकाळी ११ ते दुपारी २ या वेळेत शृंगारतळी येथील ग्रामपंचायतीच्या सभागृहात मोठ्या स्क्रीनवर खासदार शरद पवार यांच्या वाढदिवसानिमित्त आयोजित केलेल्या कार्यक्रमाचे थेट प्रक्षेपण दाखविले जाणार आहे. या कार्यक्रमाचा शरद पवार यांच्यावर प्रेम करणाऱ्या तालुक्यातील तमाम जनतेने लाभ घ्यावा, असे आवाहन राष्ट्रवादी तालुकाध्यक्ष राजेंद्र आरेकर, विधानसभा क्षेत्राचे उपाध्यक्ष दीपक जाधव, जिल्हा सरचिटणीस विजय मोहिते, जिल्हा उपाध्यक्ष पद्माकर आरेकर, युवकाचे तालुकाध्यक्ष गौरव वेल्हाळ, विद्यार्थी संघटनेचे जिल्हाध्यक्ष साहिल आरेकर, गुहागर शहराध्यक्ष मंदार कचरेकर यांनी केले आहे.
