आरे गावात विविध विकासकामांची भूमिपूजने

गुहागर : तालुक्यातील आरे येथे विविध विकास कामांचे भूमिपूजन जिल्हा परिषद अध्यक्ष विक्रांत भास्कर जाधव यांच्या हस्ते करण्यात आले.
Bhumi Pujan of various development works at Aarey was done by Zilla Parishad President Vikrant Bhaskar Jadhav.

यामध्ये आमदार स्थानिक कार्यक्रम अंतर्गत आरे कोलवठार येथे पाखाडी बांधणे, १५ वा वित्त आयोग कार्यक्रम सन २०२०/२१ अंतर्गत ग्रामपंचायत आरे वाकी येथील रमाकांत भोसले घर ते आरे मंदिर रस्ता खडीकरण व डांबरीकरण करणे, आरे भंडारवाडा दशरथ भोसले घर ते राम मंदिर येथे बंदिस्त गटार बांधणे या विकासकामाचे भूमिपूजन जिल्हा परिषद अध्यक्ष विक्रांत जाधव यांच्या हस्ते श्रीफळ वाढवून करण्यात आले.
भूमिपूजन कार्यक्रमानंतर श्री दत्त मंदिर आरे येथे जिल्हा परिषद अध्यक्ष विक्रांत जाधव यांचा सत्कार सोहळा आयोजित करण्यात आला होता. यावेळी तालुका प्रमुख सचिन बाईत, उपसभापती सिताराम ठोंबरे, गटविकास अधिकारी अमोल भोसले, विनायक मुळे, ग्रामपंचायत सरपंच श्रीकांत महाजन, समीत घाणेकर, उपतालुका प्रमुख स्वप्नील भोसले, आरे शाखाप्रमुख लहू सुर्वे, प्रशांत भोसले, ग्रामपंचायत सदस्य साईनाथ कलझुणकर, विजिता देवकर, विभाग प्रमुख शरद यादव, उपविभाग प्रमुख योगेश धामणस्कर, प्रशांत विचारे, संजय भोसले, संदिप देवकर, सुहास भोसले, दीनानाथ भोसले, सिध्दी सुर्वे, वैभव भोसले, उप अभियंता वैभव चौधरी, मंदार छत्रे आदी नागरिक उपस्थित होते.