मृत कोविड रुग्ण नेण्यासाठी रूग्णवाहिका उपलब्ध व्हावी

रियाज ठाकूर यांचे तहसिलदारांना निवेदन

गुहागर : गुहागर रूग्णालयात मृत कोरोना रुग्ण नेण्यासाठी रुग्णवाहिका उपलब्ध करावी. रुग्णवाहिका नसल्याकारणाने मृत रुग्णांच्या नातेवाईकांची गैरसोय होत आहेत. त्यामुळे रूग्णवाहिका उपलब्ध करावी अशी मागणी काँग्रेसचे गुहागर तालुकाध्यक्ष रियाज ठाकूर यांनी गुहागर तहसिलदार यांच्याकडे निवेदनाद्वारे केली आहे.
Should be made available Ambulances to transport the dead corona patient. Inconvenience to relatives of deceased patients due to lack of ambulance. Statement of Congress Guhagar taluka president Riyaz Thakur.

सध्या कोरोना विषाणूने सर्वच ठिकाणी थैमान घातले आहे. गुहागर तालुक्यात सुध्दा मोठ्या प्रमाणावर लोकांमध्ये कोरोनाचे संक्रमण सुरू आहे. अशावेळी रुग्णांना तालुक्यातील रूग्णालयामध्ये दाखल करावे लागत आहे. या रूग्णालयामध्ये एखादी व्यक्ती कोरोनाने मृत झाल्यास त्याचे पार्थिव त्यांच्या गावी पाठविण्यासाठी रूग्णवाहिका किंवा तत्सम वाहन उपलब्ध होत नाही. यामुळे नातवाईकांची मोठी अडचण निर्माण होत आहे. त्यामुळे अशा मृत कोविड रुग्ण नेण्यासाठी रूग्णवाहिका उपलब्ध करावी, अशी मागणी काँग्रेसचे गुहागर तालुकाध्यक्ष रियाज ठाकूर यांनी गुहागर तहसिलदार यांना निवेदनाद्वारे केली आहे.