झोंबडीचा अनिकेत लांजेकर भारतीय सैन्य दलात

गुहागर : तालुक्यातील झोंबडी येथील माजी सैनिक मनोहर लांजेकर यांचे सुपुत्र अनिकेत लांजेकर यांची भारतीय सैन्य दलात निवड झाली आहे. सध्या तो बेळगाव येथे मराठा लाईट इन्फंट्री मध्ये प्रशिक्षण घेत आहे.    
Aniket Lanjekar, son of Manohar Lanjekar, a former soldier from Zombadi in the taluka, has been selected for the Indian Army. He is currently training in the Maratha Light Infantry at Belgaum.
भारतीय सैन्यदलात निवड झालेला अनिकेत त्याचे आजोबा कै. शंकर लांजेकर यांनीही भारतीय सैन्यदलात २५ वर्षे सेवा केली होती. तसेच त्याचे वडील मनोहर लांजेकर यांनीही १७ वर्षे सैन्य दलात सेवा बजावली आहे. त्यांचे प्राथमिक शिक्षण झोंबडी गावी, दहावीपर्यंत शिक्षण देवघर हायस्कूल तर उच्च शिक्षण खरे ढेरे महाविद्यालय गुहागर येथे झाले. सध्या तो बी.एससी. च्या शेवटच्या वर्गात होता. त्याला लहानपणापासूनच सैन्य दलात सेवा करण्याची इच्छा होती. त्यानुसार त्याने मेहनतही केली होती. विविध क्रीडा क्षेत्रात त्याने प्रावीन्य प्राप्त केले होते. भारतीय सैन्यदलात निवड झालेल्या अनिकेत याचे सर्व स्तरातून अभिनंदन व कौतुक होत आहे.