• गुहागर न्युज : डिजिटल न्युज माध्यम
  • संपर्क
8 June 2025, Sunday
Guhagar News
  • Guhagar
  • Ratnagiri
  • Maharashtra
  • Bharat
  • Politics
  • Sports
  • Travel
  • Health
No Result
View All Result
Guhagar News

अनिल परब यांच्यावरील भ्रष्टाचाराचे आरोप निघाले फुसके

by Ganesh Dhanawade
June 23, 2021
in Old News
16 0
0
अनिल परब यांच्यावरील भ्रष्टाचाराचे आरोप निघाले फुसके
31
SHARES
88
VIEWS
Share on FacebookShare on Whatsapp

मुंबई : परिवहन मंत्री अनिल परब यांच्यावर प्रादेशिक परिवहन विभागात भ्रष्टाचार केल्याचे आरोप फुसके निघाले आहेत. निलंबित मोटार वाहन निरीक्षक गजेंद्र पाटील यांनी परिवहन विभागातील बदल्यांमध्ये भ्रष्टाचार होत असल्याचा आरोप करत अनिल परब यांच्याविरोधात नाशिक पोलीस आयुक्त दिपक पांडे यांच्याकडे तक्रारी अर्ज केला होता. या प्रकरणाचं गांभीर्य ओळखून पांडे यांनी या प्रकरणाची सखोल चौकशी करण्याचे आदेश दिले होते. या तक्रारीची सखोल चौकशी केली असता यात कोणतेही तथ्य नसल्याचं स्पष्ट झालं आहे. यामुळे अनिल परब यांना मोठा दिलासा मिळाला आहे.
Suspended motor vehicle inspector Gajendra Patil had lodged a complaint with Nashik Police Commissioner Deepak Pandey against Anil Parab alleging corruption in transfers in the transport department. A thorough investigation of the complaint has revealed that there is no fact in it. This has been a great relief to Anil Parab.

गजेंद्र पाटील यांनी काही महिन्यांपूर्वी परिवहन विभागात अधिकाऱ्यांचा मनमानी कारभार, बदल्यांमधील आर्थिक व्यवहार, अनियमितता याबाबत पोलीस आयुक्त दिपक पांडे यांच्याकडे तक्रारी अर्ज दाखल केला होता. यामध्ये अनिल परब यासह RTO विभागातील ८ उच्चपदस्थ, ३ खासगी आणि इतर १२ जणांची नावं यामध्ये घेतली होती. याची दखल घेत पांडे यांनी या प्रकरणाची चौकशी करण्यासाठी उपायुक्त संजय बारकुंड यांना सूचना केल्या. बारकुंड यांनी चौकशीच्या अनुषंगाने तक्रारदार गजेंद्र पाटील यांचा जबाब नोंदवला. तसंच प्रादेशिक परिवहन विभागाचे आयुक्त, उपसचिव, प्रादेशिक परिवहन अधिकारी, पोलीस उपनिरीक्षक यांच्यासह अकरा जणांचे जबाब नोंदवले.
दरम्यान, तक्रारीची व्याप्ती पाहता चौकशी अहवाल सादर करण्यास बारकुंड यांना दोन वेळा मुदतवाढ देखील देण्यात आली होती. अधिकाऱ्यांच्या जबाबात तपासी पथकाने पोलीस आयुक्तालयात सादर केलेल्या कागदपत्रांची शहानिशा केल्यानंतर बारकुंड यांनी आयुक्त दिपक पांडे यांच्याकडे अहवाल सादर केला. दरम्यान, हा अहवाल दिपक पांडे यांनी पोलीस महासंचालक संजय पांडे यांच्याकडे पाठवला आहे. या अहवालात गजेंद्र पाटील यांनी केले आरोप फुसके असून कोणत्याही प्रकारचा भ्रष्टाचार झाला नसल्याचं नमूद केलं आहे. अनिल परब यांना येणाऱ्या पावसाळी अधिवेशनात घेरण्याचा विरोधकांचा डाव होता. मात्र, अनिल परब यांना क्लिन चिट दिल्याने विरोधकांचा हा प्लॅन फसला आहे.

Tags: GuhagarGuhagar NewsMarathi NewsNashik Police CommissionerNews in GuhagarRTOटॉप न्युजतपासी पथकताज्या बातम्यापरिवहन मंत्रीपरिवहन मंत्री अनिल परबपावसाळी अधिवेशनप्रादेशिक परिवहन अधिकारीप्रादेशिक परिवहन विभागभ्रष्टाचारमराठी बातम्यालोकल न्युज
Share12SendTweet8
Ganesh Dhanawade

Ganesh Dhanawade

दै. रत्नागिरी टाईम्स, दै. प्रहार, दै. सागर या वृत्तपत्रातून बातमीदारी करत आहेत. त्यांना पत्रकारीतेबद्दल विश्र्वसंत गाडगेमहाराज पत्रकार भूषण राज्यस्तरीय पुरस्कार, नवनिर्मितीचा राज्यस्तरीय आदर्श पत्रकाररत्न पुरस्कार असे पुरस्कार देवून गौरविण्यात आले आहे. गेली 19 वर्ष गणेश धनावडे पत्रकारीता क्षेत्रात कार्यरत आहेत.

  • गुहागर न्युज : डिजिटल न्युज माध्यम
  • संपर्क

Copyright © 2020-2023 Guhagar News.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Guhagar
  • Ratnagiri
  • Maharashtra
  • Bharat
  • Politics
  • Sports
  • Travel
  • Health

Copyright © 2020-2023 Guhagar News.