माजी विद्यार्थ्यांचा पंचवीस वर्षांनी विद्यार्थी दिनी जमला मेळा

शांताई रिसॉर्ट मध्ये शाही थाटात पार पडला स्नेहमेळावा

गुहागर : तालुक्यातील न्यू इंग्लिश स्कूल, पाटपन्हाळे या विद्यालयातील सन १९९५ मधील दहावीच्या वर्गातील माजी विद्यार्थ्यांचा विद्यार्थी दिनी अतिशय आनंदाच्या वातावरणात स्नेहमेळावा पार पाडला. या सर्व माजी विद्यार्थ्यांचा स्नेहमेळावा रविवार, दिनांक ०७ नोव्हेंबर २०२१ रोजी तालुक्यातील नामांकित शांताई रिसॉर्ट मध्ये शाही पद्धतीत आयोजित करण्यात आला.
New English School, Patpanhale In the year 1995 in this school The alumni of class X held a get-together in a very happy atmosphere. A reunion of all these alumni was held on Sunday, November 07, 2021 at the renowned Shantai Resort in the taluka in a royal manner.
सदर शाळेतून शिक्षण घेतलेले विद्यार्थी आज आपापल्या क्षेत्रात यशस्वीपणे कार्यरत आहेत. यावेळी वेगवेगळ्या कार्यक्षेत्रात यशस्वी झालेल्या आणि वेगळा ठसा उमटवलेल्या विद्यार्थ्यांनी आपली मनोगते व्यक्त केली. या मनोगतातून आठवणींचे अनेक पट उलगडले. यावेळी वर्ग मित्र- मैत्रिणी भेटल्याचा आनंद सर्वांच्याच चेहऱ्यावर दिसत होता. ‘अशी पाखरे येती आणि स्मृती ठेवूनी जाती… ‘ या गाण्यातील ओळींना साजेल अशा वातावरणात हा स्नेहमेळावा विविध कार्यक्रमांनी पार पडला. यामध्ये दिपाली वझे व कीर्ती काटदरे यांनी आपल्या सुरेल आवाजातून गाणी गात उपस्थितांना मंत्रमुग्ध केले.
प्रत्येक वर्षी दिवाळीत शाळेच्या माजी विद्यार्थ्यांच्या स्नेह मेळाव्याचे आयोजन करण्याचा संकल्प यावेळी जाहीर करण्यात आला. संघटनेच्या वाटचालीसाठी अनेकांनी आर्थिक देणगीही जाहीर केली. या स्नेहमेळाव्यात सहभागी झालेल्या माजी विद्यार्थ्यांनी शालेय जीवनातील आपल्या आठवणींना उजाळा देत मोठ्या संख्येने उपस्थिती लावली. या कार्यक्रमासाठी माजी विद्यार्थ्यांमधील विद्यार्थी व सध्या पोलीस दलात आयपीएस अधिकारी म्हणुन कार्यरत असणारे मंदार कांबळे यांची प्रमुख उपस्थिती लाभली. कार्यक्रमाचे सूत्रसंचालन माजी विद्यार्थी उदय जाधव व स्मिता चौगुले यांनी केले. तसेच अनेक वर्षानंतर सर्व माजी विद्यार्थ्यांना एकत्रित आणण्यासाठी प्रयत्न करणारे समूह प्रमुख नंदकुमार गांगण व सर्फराज मालगुंडकर आणि कादंबरी वेल्हाळ यांचे सर्व विद्यार्थ्यांनी आभार मानले.