सुवर्ण भास्कर नोकरी महोत्सव
गुहागर : हिंदुहृदयसम्राट, शिवसेनाप्रमुख स्व. बाळासाहेब ठाकरे यांच्या जयंतीनिमित्त दिनांक १३ फेब्रुवारी २०२१ रोजी आमदार भास्कर जाधव यांनी सुवर्ण भास्कर नोकरी महोत्सवाचे आयोजन केले आले आहे. या महोत्सवामध्ये गुहागर विधानसभा क्षेत्रातील बेरोजगार युवक युवतींनी सहभागी व्हावे. असे आवाहन जिल्हा परिषदेचे सदस्य विक्रांत जाधव यांनी केले आहे. कोरोनाच्या संकटांमुळे जाहिर झालेल्या टाळेबंदीने अनेकांचे रोजगार हिरावून घेतले. तसेच सुमारे चार महिने अनेक निर्बंध असल्याने औद्योगिक क्षेत्रासह अन्य संस्थांमध्ये निर्माण होणाऱ्या रोजगारांच्या संधींचे प्रमाणही कमी आहे. हे लक्षात घेवून गुहागरचे आमदार, माजी मंत्री भास्कर जाधव यांनी सुवर्ण भास्कर नोकरी महोत्सवाचे आयोजन केले आहे. हा महोत्सव शिवसेनाप्रमुख स्व. बाळासाहेब ठाकरे यांच्या जयंतीच्या दिवशी म्हणजे 13 फेब्रुवारीला चिपळूण तालुक्यातील रामपुरच्या मिलिंद विद्यालयात होणार आहे. शिवाई प्रतिष्ठान व यशस्वी ॲकेडमी फॉर स्किल्स या दोन संस्थांच्या वतीने या महोत्सवाचे नियोजन करण्यात येत आहे. या संस्थाद्वारे राज्यातील विविध नामांकित कंपन्या, संस्थांचे प्रतिनिधी महोत्सवामध्ये सहभागी होतील.
