आ. जाधव यांच्या वाढदिवसानिमित्त रुग्णांना फळ वाटप

माजी सभापती सुनील पवार यांचा पुढाकार

गुहागर, ता. 01 : गुहागर विधासभा मतदार संघाचे लोकप्रिय आमदार, माजी कॅबिनेट मंत्री श्री. भास्करशेठ जाधव यांचा वाढदिवसानिमित्त गुहागर पंचायत समितीचे माजी कार्य तत्पर सभापती सुनील पवार यांच्या पुढाकाराने विविध कार्यक्रम घेण्यात आले. यावेळी रुग्णांना फळ वाटप व आरोग्य अधिकारी – कर्मचारी यांचा गौरव देखील यानिमित्ताने करण्यात आला. Fruit distribution to patients on the occasion of MLA Jadhav’s birthday

माजी सभापती आणि माहितीचा अधिकार संघटनेचे गुहागर तालुका अध्यक्ष असलेले सुनील पवार हे आमदार भास्करराव जाधव यांचे निष्ठावान कार्यकर्ते म्हणून परिचित आहेत. दरवर्षी जाधव यांच्या वाढदिवसानिमित्त विविध समाजोपयोगी उपक्रम राबवत असतात. आ. जाधव यांनी त्यांना सर्वसामान्य कार्यकर्ता ते गुहागर पंचायत समितीच्या सभापती विराजमान केले आहे. या कार्यक्रमात बोलताना पंचायत समितीचे माजी सभापती सुनील पवार यांनी आ. भास्करराव जाधव यांच्या माध्यमातून तालुक्यात होत असलेल्या विकासकामांची माहिती उपस्थितांना दिली. तालुक्यातील शिवसेना उद्धव बाळासाहेब ठाकरे पक्ष अधिक बळकट करण्यासाठी कार्यसम्राट भास्करराव जाधवांना उदंड दीर्घायुष्य लाभो, अशी प्रार्थना करुन श्री. पवार यांनी शुभेच्छा दिल्या. Fruit distribution to patients on the occasion of MLA Jadhav’s birthday