शिक्षण क्षेत्रातील आधारवड हरपला

पाटपन्हाळे एज्युकेशन सोसायटीचे चेअरमन भालचंद्र चव्हाण यांचे निधन

गुहागर, ता. 02 : तालुक्यातील शृंगारतळी येथील पाटपन्हाळे एज्युकेशन सोसायटीचे चेअरमन आणि आरटीओ म्हणून सेवा बजावलेले श्री. भालचंद्र रघुनाथ चव्हाण यांचे अल्पशा आजाराने मुंबईतील दादर येथे गुरुवार (दि. 31 ऑक्टो.) रोजी रात्री निधन झाले. त्याच्यावर दादर शिवाजी पार्क येथील स्मशानभूमीत अंत्यसंस्कार करण्यात आले. यावेळी गुहागरसह विविध क्षेत्रातील मंडळी उपस्थित होती. Bhalchandra Chavan is No More

पाटपन्हाळे एज्युकेशन सोसायटीची स्थापना 1962 साली झाली. गुहागर विधानसभा मतदारसंघाचे तत्कालीन आमदार कै. डॉ. तात्यासाहेब नातू यांनी या संस्थेची स्थापना केली. या भागातील गरीब व वंचित लोकांना शिक्षण देण्यासाठी पाटपन्हाळे एज्युकेशन सोसायटीची स्थापना करण्यात आली. डॉ. तात्यासाहेब नातू हे संस्थेचे संस्थापक अध्यक्ष होते. सुरुवातीला हे फक्त पाटपन्हाळे आणि परिसरातील विद्यार्थ्यांना दहावीपर्यंतचे शिक्षण देण्यासाठी सुरू करण्यात आले होते. 1991 मध्ये कनिष्ठ महाविद्यालयाची स्थापना करण्यात आली. १९९२ मध्ये कला शाखेसह पदवी महाविद्यालय आणि १९९५ मध्ये वाणिज्य शाखा सुरू करण्यात आली. शिवाय तळवली गावात १९७२ साली न्यू इंग्लिश स्कूलची स्थापना करण्यात आली. श्री. भालचंद्र रघुनाथ चव्हाण हे या संस्थेचे १९८९ पासून ते आजपर्यंत अध्यक्ष म्हणून काम पाहत होते. Bhalchandra Chavan is No More

भालचंद्र चव्हाण यांचा जन्म 2 मार्च 1942 झाला. त्यांनी बी.ए. (ऑनर्स.) पदवी घेतली होती. 36 वर्षे सरकारी अधिकारी म्हणून काम केले. ऑल इंडिया फेडरेशन ऑफ एक्झिक्युटिव्ह ऑफिसर्स असोसिएशन ऑफ मोटर वाहन विभागाचे संस्थापक सदस्य आणि सहसचिव म्हणून काम केले. ते महाराष्ट्र राज्य राजपत्रित अधिकारी संघटनेचे संस्थापक सदस्य होते. कार्यकारी अधिकारी संघटना, मोटार वाहन विभाग, महाराष्ट्र राज्याचे संस्थापक सदस्य, पाटपन्हाळे, शृंगारतळी येथे तालुक्यातील पहिले पदवी महाविद्यालय सुरू केले. दरवर्षी रत्नागिरी जिल्ह्यासाठी मॅरेथॉनचे आयोजन करण्यात त्यांचा मोठा सहभाग राहिला. शिवाय आरोग्य तपासणी शिबिरे, रक्तदान शिबिरे, क्रीडा स्पर्धांचे आयोजन त्यांनी यशस्वीपणे केले. त्यांच्या जाण्याने शिक्षण क्षेत्रातील आधारवड हरपल्याची भावना अनेकांनी व्यक्त केली. Bhalchandra Chavan is No More